مرحوم يا قرم الرياجيل مرحوم
في جنة الفردوس عالي مقامه
مرحوم ياللي ما اهتنا جفنه النوم
والشعب في ظله تهنا منامه
تشهد له أفعاله والأصحاب وخصوم
أمن وأمان وعيش عز وكرامه
طب الجروح اللي بها عطب وسموم
يرى سقام اللي خطيرٍ سقامه
ماشي على نهجٍ به الحزم محزوم
يكرب حزام اللي تراخا حزامه
درع العرب ملجا لمن كان مظلوم
ريف الوطن وأهله ورمز السلامه
واليوم نايف راح وأرث لنا هموم
جرحٍ على فقده محال التحامه
تبكي عليه الدار والشعب والقوم
وامطر على قبره حقوق الغمامه
مشعل سعد العواد - الزلفي
