يا صدمةٍ تهتز منها الرواسي
خلت قوي الحيل يشكي ردى الحيل
تاخذ تفاكيري وتسرق حماسي
تشعل قناديل وتطفي قناديل
موت الفجيعة بالزمان القياسي
يرمي بنا بين العنا والغرابيل
يالله دخيلك والكلام الاساسي
ما عاد فيها والمقافي مقابيل
مات الزعيم ابن الزعيم السياسي
نايف سما اسمه داهية كل هل الجيل
نبراس بالحكمة وعقلٍ رياسي
والامر للمعبود جمله وتفصيل
ترمي سهوم الموت والوقت قاسي
لا والله الا تو ما خيم الليل
عسى ظلامه ينجلي والعماسي
يجليه نور الصبح والحق ياشعيل
والله يكافينا الفتن والمآسي
ويرد كيد اهل القلوب المغاليل
صالح عبدالرحمن الصالح الناصر
الزلفي
