لكن الغالي إذا غاب ورحل
يترك أحزان ومكان لاطرى
بندر الرشود بهذا النص المليء محبة وحزناً غامراً بوفاة ولي العهد الأمير نايف -رحمه الله- يأتي بالشعر لينثره لنا:
ما برى جرح السعودي ما برى
والمشاعر ما تباع وتشترى
يا حي يا قيوم يا واحد أحد
وجهك الباقي وغيرك للثرى
لكن الغالي اذا غاب ورحل
يترك أحزان ومكانٍ لا طرى
وانت يا نايف من اللي يشبهك
يالحكيم الصيرمي أمن وذرى
الشعب كله في محبتك اتفق
يكتبك تاريخ ..يقراك الورى
يا ولي العهد صبيت الغلا
في السعودي والله اللي به درى
انت مثل الغيم لا مر الهشيم
أرض تحيابك وخلق الله ترى
انت مثل النجم في كونٍ فسيح
انت رمزٍ للسعودي ما سرى
ما ألوم العين لو تبكي عليك
كل عينٍ ما تبي عقبك كرى
