ما جيت ابكسب ودهم أو رضاهم

من باعني ببيع ذكره وطاريه

ما ابي من الايام طاري غلاهم

ومن عافني مسحت وصله وماضيه

لا يا زمن والقلب اصلا نساهم

نسى الغلا والشوق واللي سكن فيه

دام الجفا والجرح هذا عطاهم

وش عاد لي باحساس ماتت معانيه

احبابنا دام المصالح هواهم

قفلت باب الوصل وش عادلي فيه

ناسٍ على الرغبات تمشي خطاهم

نسيت أمس الحب وماضي لياليه

خلاص دام الحسد هذا بلاهم

أنا نسيت الامس واللي جرى فيه

ما اسمع من الايام صرخة نداهم

واللي مضى وش عاد لي في تواليه

ولا جيت انا في يوم اكسب رضاهم

هذا قراري ما ابي صوت طاريه