محريٍ بالخير يا مزنٍ نشا
يا حلو عقب الوسم رجع السحاب
هل رذراذك على روض الحشا
ربع بقلبٍ دوامٍ لك شباب
كل زهرٍ فاح عطره وأغتشا
بالرياض وبالنفود وبالهضاب
ما نسيتك يا هوى قلبي حشا
حبك بروحي وبالخفاق ذاب
عادني شوقٍ قديمٍ وانتشى
في هواك مولعٍ ما قط غاب
لو غشاني بالمودة ما غشى
اشتهي فيك الهوى لو هو عذاب
فيك من طبع الظبي ليمن مشى
ثم عاود والتفت ثم استراب
يا حلو فزة جفالك يا رشا
يوم تسبح في الصحاري في سراب
الهوى معطيك مني ما تشا
في حياتي ياحياتي لا تهاب
- الأمير خالد الفيصل
