هي عيني ابخافي خفاياي باحت

ولا انا من دون ما اشعر تكلمت

كنت أذكر إني بينهم يوم لاحت

في بالي الذكرى واحسب إن انا قمت

واثر إنها اهجوسي مع الفكر راحت

عاكل وادي فيه من ضيقتي همت

ولكل جرح ٍ بالضمير استباحت

هجوس ٍ صداها بعثر ابروحي الصمت

لاطاب جرح ولا الظنون استراحت

ياليتني عاكثر ما اخطي تعلمت

ما ادري خطا دنيا بالافراح شاحت

ولا خطاي إني لفقده تألمت

شريط ذكرى بين ماحي وناحت

ولا ادري انا لايّات يمة تيممت

إدلال شعري من لظى الوجد فاحت

وصبيت ماكيف لفكري وتممت

اثر انها الدمعة من العين طاحت

ونااحسب اني دون مدري تكلمت

- مهابة