على القايد الباني سلام وتحياتي
عدد كل ما بالمملكة من مشاريعه
زعيم الشجاعة والكرم والمرواتي
وخيره على شعبه تفجّر ينابيعه
له الفضل بعد الله بكل المجالاتي
على القاص والداني تعمم منافيعه
ولانا لعبدالله بكل المهماتي
عطيته عهد صادق وأنا العهد ما بيعه
أخدم الوطن والدين خير الدياناتي
أنا أطوّع له من السيف من بين أصابيعه
ولانا ولانا ماش غيره خياراتي
لنا بالوفا عهد ولهم عندنا بيعة
تواقيع أبومتعب جواهر شهاداتي
ولي الفخر يوم أحمل نماذج تواقيعه
أنا أفخر بتوقيعه وحلو العباراتي
ونقع الصفا ما هو شرابٍ على قيعة
عسى الله يعزه في نعيم ومسراتي
طلع للعلا مثل النداوي مطاليعه
ومني لعبدالله سلام وتحياتي
من الجندي اللي ما يباهي بترفيعه
تراحيب بن سويلم العتيبي
