جت كنها الفجر بخيوط الصباح مغسول
والارض تلثم خطاويها وتغتابها
هاذي هي اللي ليا قالو تثير العقول
الي شربها الخيال ومات بسبابها
دلوعتن كل مافيها يثير الفضول
من لولها لازبرجدها لعنابها
لو تلمس الشمس تتساوى جميع الفصول
تعشب جميع الدروب ان داست ترابها
من طهرها تعلم الناس الرضى والقبول
والماء يغازل يديها ويتوضابها
تضحك يعم الفضى فوضى وصمت وذهول
والشعر حاول يرتبها ولا جابها
ان جيت بقول مدري بعدها ويش اقول
ونا انتهي في حلااها قبل مابدابها
فالبال منها بقايا ريح طيب معمول
وفالصدر منها جروحن سبة غيابها
نويحي البديري
