الفرحة اللي بددت جو الاحزان
تعيين من راحة بلاده ضمنها
نايف.. ونايف من فضل ربي معان
مسيرته بالخير يشهد زمنها
ولي عهد وللعهد قدّر.. وصان
في سر مصلحة البلاد وعلنها
حافظ حقوق الدين وحقوق الإنسان
وسيرة نبي الله تتبع سننها
والوقفة اللي شانها بالفعل شان
ما صد رجل مهمة الأمن عنها
حكيم.. واضح صادق أفعال.. ولسان
نفسه لخدمة مملكتنا رهنها
وأسمى الصفات النادرة طول الأزمان
نايف ولد عبدالعزيز احتضنها
بالعفو.. والفزعة.. ومعروف الإحسان
لفتات حلمه ما يقدّر ثمنها
ميدان مجده غير عن كل ميدان
أسّس مواثيق النجاح وقرنها
بسم الوطن والمجد في عز الأوطان
ذخر البلاد ومفخرة من سكنها
المخلص اللي ما تهاون ولا لان
قضى على الفتنة ومصدر فتنها
العدل في مبداه مرجع وميزان
حنكة عباقرة السياسة وزنها
بالنظرة اللي كلها وعي وإتقان
صدق الوفا في كل مضمون منها
الله يوفقه السعد وين ما كان
دعوة مواطنةٍ فخرها وطنها
بقيادة اللي غايته عدل.. وإيمان
كل المكارم ماسكٍ في رسنها
الشاعرة- فتاة نجد
