بثّوا هل الديوان بالصبح ناعين
والحزن خيّم في عيون الألوفي
قالوا عضيد الرأس غايب عن العين
رحل عن الدنيا لربٍ رؤوفي
يالله يا غافر ذنوب المصلّين
اغفر لعبدك يا كريم عطوفي
سلطان سلطان السعد من كريمين
آل السعود أهل الرمك والسيوفي
سافر عن الدنيا نصير الضعيفين
للواحد اللّي كلنا له وقوفي
يا ما خدم سلطان بأعماله الدين
على العطاء والخير رجلٍ شغوفي
لو مات سلطان الكرم علمه يبين
ذكره تردد بالملأ ومعروفي
كريم سبلا والمواقف عناوين
أبو الأرامل بالبلد والضعوفي
مدّات سلطان العطاء بانت سنين
يفزع لمن هو تكتويه الضروفي
يالله تقبل سيّد الجود آمين
يا مبلجٍ للنور عقب الكسوفي
الشاعر- عبدالكريم إبراهيم بن خزيّم - البكيرية
