درست في مدرسة الأيام خمسة دروس

عرفتها بعد ما صارت وجرّبتها

الدرس الأول ترفّع عن ضعاف النفوس

يطيح قدرك ليا منك تقرّبتها

والثانيه لا تقيس المرجلة بالفلوس

يا طاردٍ مال غيرك يدك ترّبتها

والثالثه دمح زلة مبعدين الهجوس

نفسي على زلة الغالين درّبتها

والرابعه لا ترد الراي للعيطموس

حتى لو إنّك من الوافين عرّبتها

والخامسه ما تقدم جاتْك ابْه العسوس

أما إنْك زينتها وألا إنْك خرّبتها

واليوم ياللي على روس النشاما تروس

شرقت في ساحة الدنيا وغرّبتها -

ودرست في مدرسة الأيام واخذ الدروس

نصيحةٍ من عروق القلب شرّبتها

إبراهيم بن مريع