لو العتب يا صاحبي يبرد الشوق
يمكن تهون هموم قلبي بدنياك
اكيد لك حق وغلا وانت لك ذوق
وتفهم شعور اللي يحبك ويهواك
ماني أنا معدوم الإحساس مخلوق
أنا ترى مثلك لي إحساس شرواك
والله ما خليت في القلب معلوق
إلا تعلق في شعورك وطرياك
واتذكر حروف الهجاء بكل منطوق
وحلو السوالف لا حكت لي شفاياك
أقرب وناظر دالخ العين والموق
شف صورتك بين العيون وسجاياك
قالوا من أول كل مطرود ملحوق
لكن عجزت الحق بحبك مطاياك
مناحي الفرزه العتيبي
