إيه الهوى في عالمه جرح وطعون

وأحلام لكن في النهاية مملّه

يا كنت أخافه وازرق الدمع مسجون

وأتوسله وأقول يا حب لله

اليوم لاراضي ولانيب ممنون

أسير ما ادري في خفايا سجلّه

ما هو حكي ولا وكالة يقولون

القلب تايه مالقى من يدلّه

بصمت أعاني وأحسد اللي يغنون

ما جربوا عقب الغناه المذلّه

يا سيدي صاحي ولو قلت مجنون

يكفي كلامك زوّد الطين بلّه

دعني أعيش بهم وأحزان وشجون

كل المآسي والعنى فدوةٍ له

الحب عندي غير صادق ومصيون

إن قلت وينه قلت هذا محلّه

ياللي تقول الحب وشلون وشلون

أقول لك بعض السوالف مملّه

الشاعر - ناصر بن كروز