كلمات: نجدية

ألحان وغناء: محمد عبده

***

لا باس يا المحبوب روحي تفدَّاك

لا باس يامضنون عيني حبيبي

ياعلِّ ربَّي ياهوى البال ياقاك

مِن كلِّ شر وكلِّ جرحٍ عطيبِ

***

ياليتني خذت المرض عنك ماجاك

وتصير من بدَّ الخلايق طبيبي

***

ترى حياتي ماتِهنَّى بلياك

ليتك دوامٍ عِندِ عيني قريبِ

***

ياليتني نِسمة صباحٍ بدنياك

ألثم جبينك عقب طول المغيبِ

***

أو ليتني طيفٍ يزورك بممساك

وأشاهِدك وأقول يانفس طيبي

***

بالحيل أحبَّك وأعشقك وأتمنَّاك

يشهد على ما أقول دمعٍ سكيبِ

***

أنا دخيلك لاتطوَّل بفرقاك

رد لعيوني نومها الَّلي حريبِ