للشعر عشق وللهواجيس عشاق
ماهوب عشق أم العيون الكحيله
القاف الأول لآخر القاف يشتاق
والوصل نقوات البيوت الجزيله
وبين البيوت الشوق ياسعود حراق
ولا تفرقهم مسافه طويله
ماهوب عشق الناس تعذيب وفراق
يحبك بليله ويهجرك ليله
ياصدري اللي من هموم الزمن ضاق
لاتبني الآمال في المستحيله
جسمي نحل.. والهم ماعاد ينطاق
ياهم!! جسمي ليش هديت حيله
وسط الظلام وبنتظر شمس الأشراق
لعلها تجلا الظلام وتشيله
وأرجع وأقول إن الهوى حب وفراق
لكنها بين البيوت الهزيله
مشعل سعد الثبيتي
