يا أم البهى.. والحسن.. وعيون نعّاس

إنتي الحلا.. والزين.. يا نجمة الكون

إنتي الذهب.. وانتي الجواهر.. والألماس

إنتي فريده بالحسن لو يغارون

أنا أشهد إنك بالحلا مالك أجناس

مفتون بك في كل الأحيان مفتون

ويتوق قلبي كل ما هب نسناس

تكفون دلوني على الدرب تكفون

يا أهل الشعر.. يا أهل المعاني.. والإحساس

لدّو النظر وأكون شاكر وممنون

من حبها خطرٍ علي قطف الأنفاس

وبالله يالعذال لا.. لا.. تقولون

هذي مشاعر شوق صادق وحسّاس

من ضيقته وضّح لكم كل مكنون

وبواصل المشوار وأهدّد اليأس

حتى لو إني صرت مخطر ومحزون