الموج الأزرق يهزم الخصم ويخيف
ذاك الزعيم اللي بفعله تباهى
يا هلال إبداع وأصالة وتشريف
كل الرياضة رافعٍ مستواها
هلال البطولة ثابت بالتواصيف
المنجزات اللي صعيب نحصاها
هلال المعالي فوق سطح القمر شيف
يوم اللي غيره ساكنٍ في ثراها
يا هلال ما زالت انجازاتك اتضيف
يا كم بطولة بالبطولة تلاها
الأول الأول بعيد عن الحيف
ومشجعينه كم بطولة أهداها
يا هلال مدحك ما ذكر فيه تزييف
ومن شجع الأبطال يكسب رضاها
هلال المعزة والبطولات والكيف
مثل البحور اللي عميقٍ شراها
إنجازكم يا هلال يحتاج تضيف
أنت أنديتنا دوم ترفع لواها
بقيادة اللي ما يهاب المصاريف
القرم أبو فيصل من أهل الوجاهة
أبوه مساعد يكرم الجار والضيف
وجده أبو تركي بلاده حماها
وختامها يا هلال قدرٍ وتشريف
من قلب مخلص في غلاك يتباهى
خلف حميد خلف العنزي
