اسمعي آخر قصيده وش كتبت |
بعد صمت أيام بأسبابك حكيت |
متعبه وأنا معا بعدك تعبت |
بس بعد الله لغيرك ما شكيت |
ما جنيت الوصل منك ولا كسبت |
ومن ينابيع المحبة ما ارتويت |
يشهد الله في شعوري ما كذبت |
ناوي ٍ رميتك وأنت اللي رميت |
خطوتك تبعد إلى مني قربت |
تهدم اللي من سنه وأكثر بنيت |
كنت احسب إني من آخر جرح طبت |
وزدت جرحي جرح ثاني ما اكتفيت |
مرّ عام ومن عظيم الذنب تبت |
أتناسى اللي حصل لو ما نسيت |
في شبابي يسألوني ليه شبت |
قلت ما تدرون عني لو حكيت |
محمد بن عبدالله |
|
