قالوا قصيدك حاضره مثل ماكان

غامض ,, وواضح ,, حيرتنا معانيه

قلت الشعر نزف ومضامين والوان

بين الوهج والظل هاجت قوافيه

كان الشعر غربه على غير الأوطان

أنا الغريب اللي تفاخر بأهاليه

كان الشعر كل الأغاني والألحان

أنا الحبيب اللي على بال غاليه

كان الشعر خطوه ودمعه وشريان

كل الشعر دمعي ونبضي طواريه

كان الشعر غنوه وصرخه وعنوان

على الغلاف اللي حضن هم قاريه

كان الشعر غيمه وصحراء وعربان

كل الشعر هقوه وطيب ومشاريه

كان الشعر واقع وعالم وبرهان

الارض والتاريخ والعلم يرويه

كان الشعر قوس وربابه وديوان

أول قصيده وآخره مايكفيه

كان الشعر موقف يجسد بالالوان

ابي اكتبه وابي أرسمه بوح وأهديه

وكان الشعر يوصف ويمدح به انسان

والنعم بالطيب الى حان طاريه