عسى الله يرحم راعي المجد والنوماس
ابو تركي اللي يحكم الشور من راسه
مليك حكم بالعدل وارضى جميع الناس
شجاعه ودين وحلم وانصاف وسياسة
شهد له وريع السيف والحبر والقرطاس
يخوض الوغى ما يلبس الدرع والطاسة
زمان مضى يوم ان وضع الوطن منحاس
يسوده ظلام الجهل والناس منحاسه
اخذ فالظروف القاسية للامور اقياس
بحكمه وشدة باس وابداع ودراسه
مشى للرياض من الكويت وطوى الارماس
ما نسى الوطن واهل الوطن طول مجلاسه
يقود اربعين من الهجن كنها الاقواس
تهز المناكب مع دجى الليل وادماسه
وناخ الركايب فالسلي واهلها حراس
قوي العزوم اللي ليا شاف الخطر داسه
وجاء منطلق باللي معه كنه القرناس
ولا رد اخو نوره عن القصر حراسه
بطش بالخصيم اقوى من الزير مع جساس
وضيعة خصيم مطوع الخصم وافلاسه
ونادوا باسم عبدالعزيز وفقدنا الياس
وزاح الجهل والبطش والظلم وادناسه
وعسى الله يطول عمر فهد عريب الساس
وياقاه ربه من شقى الوقت واتعاسه
ابو فيصل اللي بالمفاخر عديم اجناس
بطل نفتخر في كل فعله ونوماسه
اخذ في مباراة الشكالة وسام وكاس
ولا هي غريبه منه لا قلّت اجناسه
يحمس العداء حمس اخضر البن فالمحماس
عدوك يجي في جوف ناره ومحماسه
ويحيا لنا ولي عهده قوي الباس
ابو متعب اصل الجود والمجد واساسه
نزيه المواهب سيدي للخصوم اتعاس
يخلي خصيمه للتفت يفقد احساسه
وابو خالد الضرغام راع الوفاء النبراس
مقر الوفاء وافي الخصايل ونبراسه
وزير الدفاع اللي فعوله تعز الراس
ليا جا نهار الحرب ثم دنت اجراسه
عسى الله يرحم راعي المجد والنوماس
ابوتركي الل يحكم الشور من راسه
