بديت باسم اللي بالأسرار علام اللي بنى سبعاً وحكم ابناها هني الجزيرة عقب تيهات وأوهام عقب الجهل والظلم شيد بناها بناها الزعيم اللي على دين الاسلام ارسى دعايمها وحطم اعداها عبد العزيز اللي على مشي الأقدام وحد جزيرتنا بسيفه حماها سراء جناح الليل والناس نيام وداهم متاريس الرياض أوولاها هجم على المصمك كما ليث ضرغام شلفاه ضربتها ينادي صداها رفع على روس المشاريف الاعلام رايات نصره رفرفت في سماها عبد العزيز اللي حكمها مائة عام على كتاب الله رفع مستواها دستوره القرآن له تاج ووسام والناس لدين الله بصوته دعاها عبد العزيز اللي جمع بين الاخصام خلا قبايل نجد يصفي هواها عقب التفرق صاروا اخوان واعمام وانفوسهم بالشرع حازت رضاها مرحوم يا صقراً على المملكة حام واضفا على كل الجزيرة اغطاها مرحوم يا غيث الفقارى والايتام حتى العجوز بخدرها ما نساها قالت عسى رب الليالي والايام يفتح خزاين لرض لك واتحماها خلا السعودية من الشرق للشام يوضي على كل الخلايق سناها رحل وسلمها للابرار الأكرام عسى جنة الفردوس يقطف جناها سلم ازمام الحكم لرجال حكام لسود الكواسر والمعارك اغذاها على خطة المرحوم يمشون قدام يرعون احدود المملكة من وراها سعود وفيصل كل عام بعد عام ايديهم البيضاء تواصل عطاها وخالد عسى مثواه جنات الأنعام خلا مصالحها تغطي وطاها وفهد الزعيم الوالد القائد العام خادم بيوت الله وحامي احماها وعبد الله وسلطان للدين خدام واهل المعارك يوم دارت رحاها بالسيف والمدفع وصاروخ واطقام يعمون عين المعتدي اللي بغاها من لاذ بحماهم فلا هو بينضام مثل الجبال اللي يذري ذراها يخضع لضرب اسيوفهم كل ظلام تقص الرقاب اللي توضح خطاها صوارماً في الحرب وفي السلم رحام وافكارهم تسبق نظرها اخطاها عاشوا لنا آل سعود درعا له اكمام سورٍ حصينٍ من اعداها وقاها عطاهم لنا ما هي بتحصيلة الاقلام في المملكة كن ليلها كاضحاها والمملكة كانت بركسات واخيام واليوم يفخر من بهاها اصباها الى صارت الدنيا على الكاف واللام الى انورها يستطع بعالي فضاها تمت وصلى الله على سيد الأنام محمد المبعوث بالحق طاها

حمد عائض سعد آل سعيدان القحطاني