بعيداً عن الكثير من القصائد النمطية يطرح الشاعر المعروف زياد بن حجاب بن نحيت «أبوطارق» رأيه بموضوعية ووضوح تام حول بعض وسائل التواصل الاجتماعي:

صارت مفاخرنا عدد ومشاهدات

وهمومنا كم بالحساب متابعين

نركض بهالدنيا ندوّر للغناة

وليا وصلنا ندري إنّا ضايعين

صرنا نصوّر كل يوم سناب شات

لين انقلبنا كل ابونا مصورين

وصرنا نسوّي كل يوم مسابقات

ونعطي هدايا كلّنا للفايزين

مادام فيها فلوس واعلانات هات

من شان نصبح بالنهايه معلنين

ياكثر ماصرنا نشوف المنتجات

مثل ارفع الشاشه او اسحبها يمين

الوقت لامن فات والمشهور مات

ينشد عن اللّي قدّمه للمسلمين

ترى السعيد اللّي توفّق بالحياة

اللّي جمعها كلّها دنيا ودين

لان السعاده ما تجي بالامنيات

ولا تحققها فلوس الغافلين

اعظم وسيله للسعاده بالصلاة

لاصرت بين يدين رب العالمين

عندك ايدين يحققن المعجزات؟

غيرك ترى عايش وهو ماله يدين

دامك بخير وعندك اخوان وخوات

وش فيك اجل متضايق ودايم حزين

وان كنت متزوج لك عيال وبنات

اسجد شكر لله رب العالمين

والشهره اللي ما تقودك للنجاة

مثل الجبل لاجاه سيل وصار طين

** **

- زياد بن حجاب بن نحيت