لا شفت ابو سلمان.. بالله قله

يا شيخ تسلم للمكارم يمينك

انت بشبابك ماخذ المدح كله

لا شبت اجل وش باقي لمادحينك

سيف الشجاعه بالسياسه تسله

ومن لارضي يرضيه حزمك ولينك

منهو وصل للي طموحك وصله

منهو يطول اللي تطوله يدينك

برهان قولك بالفعل والأدله

وحاضرك بشرنا بمقبل سنينك

انت الذي درب المعالي تدله

يا محقق احلام الزمان بيقينك

وانت الغلا ما بين خل وخله

شفنا وفاك وشافت الود عينك

وانت الرضى والعذر عن كل زله

ياللي الأماني تبتسم في جبينك

بالخير.. يا وجهٍ نعز ونجله

عز الوطن.. يا عزوة مواطنينك

يا محمد الأمجاد والفضل لله

يسلم لنا راسك.. وتسلم يمينك

** **

- الأمير د. سعد بن سعود بن محمد آل سعود