الموضوعات الأكثر
«الجزيرة» - عبدالعزيز بن سعود المتعب:
الشعر الشعبي الوطني مُوثِّق الولاء. والوفاء، واللحمة الوطنية، ووحدة الصف والكلمة منذ قصائد الحربيات (العرضة السعودية) التي واكبت مراحل توحيد الوطن على يد مؤسسه وموحده الملك عبدالعزيز بن عبدالرحمن -طيب الله ثراه- وما تجسيد الشعراء ومواكبتهم للمنجزات المتفرّدة للوطن في العهد الزاهر لمولاي خادم الحرمين الشريفين الملك سلمان بن عبدالعزيز آل سعود -أطال الله عمره وأدام عزّه- إلا أمر مشرّف هو محل اعتزاز الجميع ومنها رؤية 2030 التي تمثل التمرحل العملاق غير المسبوق على كل الأصعدة المرتبطة إيجابية أهدافها منذ انبثاق نورها بمقام سيدي صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزّه- ولي العهد رئيس مجلس الوزراء لذا جاءت القصائد الوطنية مجسّدة لكل ذلك يقول الشاعر الأمير بدر بن عبدالمحسن:
أنشهد إن بلادنا المملكه بلاد
ما أعظم مكانتها وما أطول مداها
يا محمدٍ حيّيت يا نسل الأمجاد
جمرة هل العوجا وشعلة ضياها
ومنها قوله:
حنّا نشوف الصبح من قبل ينقاد
في مفرقك والشمس غضٍ سناها
نحتاج لك روحٍ ونحتاجك فؤاد
ونحتاجك أرضٍ يا معمّر ثراها
ويقول الشاعر الأمير د. سعد آل سعود:
يا ولي العهد ياسيفنا في النزال
الوطن لا دعانا طاعة أمره وجوب
اسمعي يا بلادي فعلنا يوم قال
عرضة المجد غنّت كل لحنٍ طروب
بين برق الجنوب وبين رعد الشمال
سيل نصرك تباشر به رياح الهبوب
ويقول معالي الشاعر سعود القحطاني:
محمد محمد يا عسى الله يزيده
من كل خير ويحفظه عالي الشأن
حرٍ له الأمجاد مثل الطريده
يهوي عليها بالمخالب وجنحان
العين ترقب والهقاوي بعيده
والقلب ينبض بالعزيمه والإيمان
والرأس شامخ والسجايا حميده
والفعل شافوه العرب شوف الأعيان
لو شاف «أبوتركي» مواقف حفيده
عرف بأن المُلك ثابت ومنصان
ويقول معالي الشاعر تركي آل الشيخ:
عزّنا يا عزّنا وقت اللزوم
بالطناخه واتخاذك للقرار
قامت الدنيا معك يومك تقوم
وما رجعت إلاّ بهيبه وإنتصار
سر بنا يا محمد وعزّك يدوم
ومعك حنّا من مسار إلى مسار
من عزومك عِرفَتْ كبار العزوم
ومن بداية رؤيتك يبدى النهار
ويقول الشاعر عبدالله بن عبيان اليامي:
ناديت يا محمد النورين شمس وقمر
وشفت الضياء من كفوفك يا محمد يسيل
من هيبتك مملكتنا بك تشد الظهر
الراس يقدح سطر والبشت ظلٍ ظليل
سحابتك حوّلت وادي حنيفه نهر
تروي ظما القيض بالثجّاح والسلسبيل
ويقول الشاعر نايف صقر:
يا ربي ندعي ياكريم وياودود
دعوات يم أهداب عرشك ودّها
تحمي محمد من عدو ومن جحود
ومن نظرةٍ للحاسدين تلدّها
ومحمد محمد وطاريه امحمود
فيه المحبه والشجاعه والدّهاء
ويقول الشاعر تركي المريخي:
محمد ولد سلمان تاج الإماره
نسل هل العوجا ملوك الجزيره
كسبت من سلمان هيبة وقاره
رمت العظايم ما تروم الصغيره
وحزت المراجل كلّها عن جداره
يابن الملوك اللي تقود المسيره
ويقول الشاعر علي بن نايف الغامدي:
يا سيدي رأيك اللي زاح الأوهام
اليوم له في الفضا صوله وجوله
سيفك مجرّد وعزمك عزم ضرغام
ورأيك مسدّد ونظراتك شموله
بديت (بنيوم) يومٍ غيرك نيام
وروّضت موج المحيطات المهوله
ويقول الشاعر مهدي بن عبار العنزي:
اصعد يا بوسلمان والمجد يزهاك
واصدح بصوت الحق والله يعينك
ياللي على العليا مسيرك ومبداك
برعت فيها من بداية سنينك
ارفع علم وارفع قلم لا عدمناك
والسيف خلّه دايمٍ في يمينك