د.عصام حمزة بخش

عبد العزيز ما مات.. بقلوبنا أبد

حيٍّ يظل بهامته.. فوق السحاب

كل مرت الذكرى.. بتأسيس البلد

عز.. وفخر.. تاريخها مثل الرطاب

حكام آل سعود.. هم أقوى سند

هم درعنا.. وحزامنا وقت الخطاب

هذي شواهد نهضتك يا أبو فهد

من يوم تأسيس الوطن عالي مهاب

ملوكنا.. صانوا.. الوصية والعهد

ولا.. حنوا.. كثر العواصف للرقاب

عبد العزيز من بعده ملوك ومدد

ووجودهم تحسب له الدنيا حساب

أبو بندر اللي قد أخذ.. وعد وعهد

عند الحرم.. واقسم على قهر الصعاب

من عهد فيصل يا البطل جانا الفهد

ولين أبو متعب أسد وقت الصعاب

واليوم في حضرة مليكي.. يالسعد

سلمان.. فارسها.. وترهبه الذياب

في نظرته تحسب لها برق ورعد

وولي عهده.. كم فتح للعز باب

اليوم ذكرى في.. رقمها.. والعدد

يعتز فيها كل شيبه.. والشباب

يا الله تحفظ لي بلادي بكل.. حد

ونبوسها من راسها.. حتى التراب