الحياة دروس والدنيا عبر

والليالي مقبلات ومدبرات

الله اللّي خالقٍ كل البشر

في كبد.. لين الفتى ياصل ممات

يا جروحي لو تملّين السهر

ما عسفتي العين تاصل للمبات

كلٍ حلمٍ مات! لو عاش اندثر

ذكرياته في شريط الذكريات

واصغر أحلامي على أهداب القمر

ارتميت بحظنها كنّي رفات

وقمت أقلّب باقي اليوم الصور

واجمع شتات العمر عقب الشتات

في حياتي أحسب حصان العمر

ودع الفرّيس لخيوط النجاة

واثري اللي كنّه بحالة سكر

موهمٍ نفسي وانا يابس لهاة

واحتباس النار مُستصغر شرر

والروايح باللواهيب لقحات

من عسف هاك الصبايا وانتصر

وعشقنّه هالرعابيب البنات

ما يمل ولايكل ولا ضجر!

ما تضيره حذفةٍ فيها حصاة

والمواقف عبره لمن يعتبر

والقصايد نبض شريان الحياة

** **

- عبدالرحمن الفاضل