الموضوعات الأكثر
الجزيرة - عبدالعزيز بن سعود المتعب:
الشعر الشعبي الوطني الجزل مُوثِّق الولاء والوفاء واللحمة الوطنية ووحدة الصف والكلمة. وتجسيد الشعراء لهذه المناسبة الغالية على الجميع تجاه مقام سيدي خادم الحرمين الشريفين الملك سلمان بن عبدالعزيز آل سعود - أطال الله عمره وأدام عزّه- هي امتداد لبيعة في عاتق أبناء المملكة العربية السعودية توارثها الخلف من السلف منذ عهد المؤسس الملك عبدالعزيز بن عبدالرحمن آل سعود -طّيب الله ثراه- ومن يرصد مشاعر الفخر والاعتزاز في هذا العهد الزاهر يلمس تنوّع ماتضمّنته القصائد عن كل مزيّة في الوطن ونهضته على كل الأوجه السياسية والاقتصادية وغيرها بحيث تماهت القصائد مع واقع الأرقام الدقيقة في كل مجال شواهده منجزات أمست مفخرة لكل أبناء المملكة العربية السعودية . يقول الشاعر الأمير خالد الفيصل:
أثبتّوا إن الدين علم وحضاره
وجْهادكم تشييد مجدٍ دعاكم
وحققتوا اللي غيركم ماتهقووه
واصبحتوا نجومٍ تزيّن سماكم
ونافستوا العالم وعاصرتوا الوقت
وجدّدتوا أمجاد السلف في حماكم
يقودكم سلمان راعي الطويله
قدّامكم يسعى ويثني وراكم
ويقول الشاعر الأمير بدر بن عبدالمحسن:
ياوطن سلمان يزهاك سلمان العرب
بالعدل والحزم والعزم وبطيب الجناب
نجمنا اللي ماخبى ضي نوره واحتجب
نهتدي بضياه لي ثارت أمواج العباب
من دعى سلمان للسلم يبشر بالشبب
ومن نوى سلمان بالحرب يبشر بالعذاب
راعي الطولات والرأي والسيف الحدب
شيخنا اللي مارضى في عقيدتنا خراب
ويقول معالي الشاعر سعود القحطاني:
المجد سلمان العرب صار سيده
واجتمعت الأمّه على حب سلمان
ويقول الشاعر د. صالح الشادي:
حنّا رجال أبوفهد حنّا الوفاء كلّه
الدرب واحد والشعب يفداك ياسلمان
على المبادي والشرف والدين والملّه
عشنا وعشتي يابلد والحافظ الرحمن
ويقول الشاعر راشد القناص السبيعي:
سيدي سلمان ابن عبدالعزيز
دمت عزٍ للوطن رمز السلام
قدتنا للمجد في وقتٍ وجيز
قايدٍ فذٍ وضرغام وهُمَام
الشعب في عهدك الزاهر عَزيز
مخلصٍ لك بالولاء والإحترام
ويقول الشاعر عبدالرحمن الفاضل:
الله يحفظك من صواديف الأزمان
ياخادمٍ دينك ودار الحرمين
شلت الوفاء بكفوفك البيض عنوان
للطيب والمعروف عندك براهين
مثل المطر تشبه هماليل الأمران
تعطي ولا تأخذ بليّا موازين
أبوفهد وأخو فهد ذرب الايمان
الصيرمي الباتع بوجه المعادين
كل الوطن بايع على المُلك سلمان
بيعة ولاء قامت على منهج الدين
ويقول الشاعر محمد العريعر:
بأرقابنا بيعه وبيديننا سيف
ياسيدي جيناك سمعٍ وطاعه
نثبت بوجه أيامها والصواديف
عهدك علينا حافظين إتّباعه
ويقول الشاعر مهدي بن عبار العنزي:
نجدّد البيعه ونعلن وفانا
ونسير خلف ملوكنا مجد وكيان
خذ ياملكنا من رجالك ولانا
وخذ قمّة الاخلاص هيبه وعنوان
سلمان يانجمٍ سطع في سمانا
كلٍ يردّد للوطن عاش سلمان
ويقول الشاعر سعد الخريجي:
يابلاد الوفاء مالك مثال
حب سلمان ساكن بالوريد
بالسياسه توازن واعتدال
وبالحضارة رقم صعب وفريد
غرّدي في شموخك ياجبال
واهتفي يالسواحل بالقصيد
ويقول الشاعر جزاء البقمي:
نجدّد البيعه ونقريك السلام
ياقائد الأمّه وياربانها
وحنّا معك في برد والاّ في سلام
ارواحنا لك مرخصين أثمانها
أبشر بنا لا ولّعت نار وعسام
وسود الليالي كشّرت نيبانها
نضرب بسيف الحق فصّام العظام
اليا تفلّت بالفتن شيطانها
وقال الشاعر محمد بن عبدالرحمن بن صفيان:
بيعة ولاء للحاكم العاهل
بايع بها شعب السعوديه
عهد ونذر صادق به وصامل
حنّا فداء لي ثارت الهيّه
يستاهل العاهل ولا أجامل
أبوفهد نادر يجي زيّه
ومنها قوله:
كل الشرف تاريخه الحافل
سيرة بطل ماهيب مخفيّه
ويقول الشاعر علي بن نايف الغامدي:
كلّنا سلمان والدوله أبيّه مستقلّه
نرخص الأرواح من دافع وفا شعب وحمايا
الإمام القايد المقدام نغليه ونجلّه
كلّنا نوقف على طاريه وندق التحايا
إيه ذا سلمان بن عبدالعزيز المجد كلّه
خيّال العوجا طويل الباع مقدام السرايا
أخو نوره عزوته والسيف الأجرب يوم سلّه
طارت شعوبه فرح والاّ العدا طارت شظايا
ويقول الشاعر عبدالرحمن أبا الجيش:
لاعنزت أعنز على الجنب المتين
يعتنز لجبال نجد بذاتها
سيدي سلمان يالحصن الحصين
لاكشفت لأيام مسوداتها
خادم البيتين إمام المسلمين
قبلة المليار في صلاتها