هواك سرّاني تحت جنح الظلام

وأوقد شموعك يالشموع الطافيه

ألقاك مابين التوحّد والزحام

والليل وردون الخيال الضافيه

بيني وبين جروحك العفّه وئام

من ألف وصلك لين لام النافيه

صافحتك من الشوق وأنفاس الغرام

البعد بارد وأنت كفّك دافيه

تمدّها وتعوّد الدنيا غمام

وتردّها وتصير وزن وقافيه

آقف لخيبات المحبين احترام

من الوله لين القلوب الصافيه

حبك هو أكثر شيء من عشرين عام

أفرد له بصدري مساحه كافيه

يلعب بها القمري ويدهلها الحمام

وأمشي على رمضاك رجلي حافيه

أبسط تفاصيلك يثير الاهتمام

وأكبر تفاصيلك يجيب العافيه

** **

- علي الريض