صاحبي عيش الحياة إنسان عابر

لا تنقّي في المتاع ولا تسمِّي

وإن عزمت تغادر وتطوي المحابر

لا تجاملني ولا تسرف بذمّي

إن بغيت تغيب غيب ولا تكابر

من تجاهل هيبتي ما كان همّي

صفوة الغالين في بطون المقابر

بالغلا ماجاي مثل أبوي وأمي

وكل كسر مع الزمن لابد جابر

وماسكن في قلبي إلاّ نبض دمّي

عشت هزّات الحياة انسان صابر

كم من قسوة غدت بأطراف كمّي

وحذفةٍ ما بيّضت سود الصوابر

لو طواها الصيف ما وَردت مجمِّي

ومن نشدني عن ربوعي قلت اكابر

لا تدوس ظلالهم .. تذوق سمّي

ووقفتي لاغثربت عوب المنابر

دون أخوي ودون عمّي وابن عمّي

** **

نايف المطيري