سلّم على قلبك سلام فسلامين

واحد على اللي كان عندك وداعه

يا غايبٍ.. عنه الزمان بزمانين

بعض السلام.. يجيك عذر وشفاعه

يبقى عليك الرد.. لو هو خبر شين

وآنا عليّ آقول: سمعاً وطاعه

يومك تمرجحني على الوصل والبين

تهجر بلا طاري.. وترجع إشاعه

وآنا أسجّل لك على دفتري دين

وآسدّ عنْك اللي عسير ارتجاعه

بنيت لك داخل عروقي دكاكين

وانته عليك تحط فيها البضاعه

واحذر توّرد فالبضاعة سكاكين

ما عاد بي لاصغر طعونك مناعه

** **

د. محمد علي الحربي