رجعتك تعني لي الشي الكثير

عبّرت لي يا حبيبي عن وفاك

ياهلا ياضي بديار النظير

الهوى يامجمّل الدنيا هواك

قالوا زهور الأمل فاحت عبير

قلت بالرقّه يداعبها نداك

مايغيب الحب في ظل الضمير

ومانسيت إحساس عمره مانساك

إن تذكّرتك.. تذكّرتك بخير

وإن سليتك شفت بعيوني غلاك

طال ليل البعد ياطول المسير

كاسفه شمس أرض ماتنبت لقاك

مايغرّد في سما الهجران طير

الغيوم السود لوّنها أساك

الجفا ثم الجفا.. موت المصير

ومن رضا جفواك مثل اللي جفاك

لو كبر ذنبك ترى قلبي كبير

اعترافك بالخطا يغفر خطاك

** **

- الأمير د. سعد آل سعود (منادي)