القصيدة والأغنية ثنائي ثابت في تاريخ (الشعر والفن) وهذه زاوية نُقَدّم من خلالها استجابة وتفاعلاً مع الرسائل التي ترد إلينا بأجمل القصائد التي قدمتها أعذب الأصوات.. وفِي هذا العدد نقدم لكم نصًا للشاعر تركي آل الشيخ بصوت الفنان محمد عبده:

أنت وينك ياللي في عز احتياجي..

رحت عنّي وخاب ظنّي؟..

يعني ما هزّك حنينك..

ولا صحّاك الوله؟..

يعني ما اشتاقت لي عينك..

في زحام الأسئلة..

يا ملامح صوت عيّا لا يغيب..

يا نداء ضاع بتراتيل المدى..

حلم بالدنيا غريب..

وصوت أبد ما له مدى..

ياللي لك ناديت في غربة ظما..

العطش قتّال وأشواقي تنادي..

كنّك النجمة البعيدة في السماء..

ودّي أوصلِّك على غيمة سهادي..

اختفى صوتي ولا باقي كلام..

في سكوتي دمعة وصرخة ملام..

رحتي عنّي في مسافات الدروب..

وغبتي عنّي في نهايات الغروب..

ذابت حروفي على صدر الورق..

وذبلت الأحلام والشمع احترق..

يا عروس الشمس يا أخت النهار..

يا بقايا عطر ملّيت انتظار..

وكل ما ناديت باسمك يشتعل الشوق نار..

وكل ما عانقت رسمك كل ما فيني يغار..

شفت هذا الليل الّلي فيه من حزني ملامح..

شفت هذا الفجر الّلي يبغى لجروحي يصافح..