قلوبنا ما هي أسهم كل يوم اكتتاب

السهم هذا يطيح وذاك سهمٍ يطير

قلوبنا من مشاعرنا عليها حجاب

ظلال لأحبابنا والفيء وسط الهجير

إلاّ قلال المروّه حالهم في اغتراب

مناقصه تعتمد للّي بيدفع كثير

ومهما يقولون لك راضين والجرح طاب

يبقى أثر للجروح اللي بوسط الضمير

أحيان ودّك عيونك يكتسيها الضباب

مثل ما يكسي صباح البرد سودة عسير

عن زلةٍ لو تراها العين صار الخراب

وإبليس قاد المهمّة لين بئس المصير

يعلّم الوقت لكن ما لوقتك كتاب

تلقاه في مجلسك وإلاّ بجنب السرير

الوقت قدّام عينك بين مخلب وناب

تصارعه بالتفاؤل والرحى تستدير

تفاؤلك بالحياة يجنّبك الاكتئاب

وأنته براحتك حدّد ما تبيه ويصير

** **

- فهد الشهراني