أنانيه تحسب إني أناني

أنانية بها ربي ربي بلاني

أنانيه تبي تأخذ وأنا أعطي

محبتها غدّت غلطة زماني

أنانيه تبي ترتاح.. وأشقى

تعرف الحب لكن بالمعاني

تحسب إني على وجهي ولا ادري

عن اللي قلبها الجاحد نواني

وأنا حبيتها من كل قلبي

وأناظرها بقلبي شي ثاني

غلطّت وغلطتي صارت كبيره

ألا ياشين تخييب الأماني

وأنا راسم لها بالعين صوره

وتبدّل كل شي في ثواني

أفكرّها ملاذي عن همومي

وأحسبْ إنها تبادلني حناني

رماها الحظ الأقشر في طريقي

وأنا كنت أحسب إن الحظ جاني

** **

- سعد الشليل