رح للسّعَه وش دخّلك بالنوايا؟!

مالك بغيب الخلق لك في عَلَنها

وكانك من الّلي يبحثون الخفايا

حنّا من الّلي لا لقاها.. دفنها

والله تكفَّل في حساب البرَايا

والله يحاسبها علم مأتمنها

ومافيه أحد ماله ذنوب وخطايا

لا تشغل العالم.. ولا تمتحنها

وبْك الرجال الكاملين المزايا

الّلي يروح ويرجع العلم منها

نوبٍ تِزلْ أقدامهم في قضايا

كانوا يردّون الجهاهيل عنها

** **

- عبدالعزيز سدحان الفريدي