القصيدة والأغنية ثنائي ثابت في تاريخ (الشعر والفن) وهذه زاوية نُقَدّم لأحبتنا ومتابعينا من خلالها استجابة وتفاعلاً مع الرسائل التي تَرِد إلينا أجمل القصائد التي قدّمتها أعذب الأصوات.. وفِي هذا العدد نقدم نصًا للشاعر مساعد الرشيدي بصوت الفنان عبدالمجيد عبدالله:

عين تشربك شوف وعين تظماك

لاذبحني ظماك ولا رويتك

إن طلبت الغلا قلت الغلا جاك

وإن سكنت الخفوق البيت بيتك

بين فرحة لقاك وهمّْ فرقاك

لاتذكّرت جرح ولا نسيتك

قمت أخيلك هنا وهناك وهناك

وين ترحل بي النظره لقيتك

إن تبسّمت قلت الموعد شفاك

وإن تمنّعت بأنفاسي دعيتك

يارجا العمر لو حفّتك الاشواك

ليتك أول طريق الحب ليتك

ودّع البرد كفٍ ضم يمناك

صافح الود قلبي يوم جيتك

حي هالشوف ماتنملّ دنياك

شف سواة العيون ليا لقيتك