كل ما قلّ وعي الناس كثر الجدال

وطال صمت الحليم ومات صبر الحكيم

كل ليله مع الجاهل جواب وسؤال

والمحنّك مايدخل في النقاش العقيم

ويل من هو سلك درب الجهل والضلال

وحظ من هو أتى ربه بقلبٍ سليم

دايم أهل المبادئ في كفاح ونضال

ودايم أهل السوالف في سبات ونعيم

وكان الإجحاف من عادات سود الليال

عادة الصبح تفريق الظلام العتيم

الليالي دول لكن على كل حال

كان هبّت سموم وكان هبّت نسيم

لانعدّل وجيه ولا نعدّل ريال

يابشر نعبد الله السميع العليم

المهمات عشق وتضحيات ووصال

وكان تبغى الكلام اللي يجي في الصميم

المراجل تراها مثل بنت الرجال

قلبها ما يحب إلاّ الشجاع الكريم

** **

- علي بن نايف الغامدي