يحل عبق الإحساس العالي أينما حل عرّاب الساحة الشعبية ناصر السبيعي -أبوفهد- الذي قدّم أبرز نجوم الشعر:

وش هالشتات اللّي قضيت العمر كلّه أجمعه

وش هالسنين اللي معي عيّت تمضّيها السنين

وش هالطواري والهواجس والجروح الموجعه

وش هالتردّد والتخوّف والأماني والحنين

الدرب خامس والجهات اللي تعرفين أربعه

والصمت صوتي وماتعودّتي لصمتي تسمعين

يابنت عمري مَرّ في عيونك وضيقاته معه

وانتي تبين من السّما عِقْد وعيوني نجمتين

تصوري حتى الشعور المرّ صعب استجمعه

أجي وأنا كلّي كلام ولا نطقت بكلمتين

الأرض يبست في عروقي .. والديار مْشَرَّعه

ماحل به ضيفٍ كريم ولا مشوا به راحلين

** **

- ناصر السبيعي