«الجزيرة» - عبدالعزيز بن سعود المتعب:

الشعر الشعبي الوطني مُوثِّق الولاء والوفاء واللحمة الوطنية ووحدة الصف والكلمة، وهذا ما تجسّده القصيدة التالية في مقام سيدي صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزّه- ولي العهد نائب رئيس مجلس الوزراء وزير الدفاع.

يأمر وينهى على شعبه وروحي فداه

ولشعبه جعله معافى جعل عمره طويل

حامي حدود الوطن بالعزم يقهر عداه

دايم عدوه كسير العظم دمّه يسيل

والشعب تحت أمره يلبّيه لامن دعاه

آمر وحنّا جنودك مابنا أحدٍ ذليل

والّلي يبي ياصل فعوله بأي اتّجاه

ما يوصل فعول ابوسلمان جعل عمره طويل

هذا ولي العهد يمشي وشعبه وراه

بَنَى لنا أمجاد معروفه مع كل جيل

بَنَى لنا مجد شامخ كلّنا في حماه

بنى لنا مجد بالحكمه وسيفاًَ صقيل

وفِي للشعب والأجيال تشهد وفاه

رفع علمنا على القمّه تعدَّى سهيل

لو نكتب أفعاله الجزله ما نحصي عطاه

ولنا قادنا والله للمجد والمستحيل

رقمه صعب ما وصل واحد لرقمه سواه

كل الوطن شاهد لطيبه وفعله دليل

** **

- إبراهيم المحسن