يا أصحابنا ليه عالطيّب تماديتوا

واخفيتوا النعم والزلاّت منشوره

واللآش يرهن لحاكم ما تحاكيتوا

في ساعةٍ ما طلعتوا يوم عن شوره

يلعب بكم زين لا رحتوا ولا جيتوا

المال خلاّ ردي الفعل أسطوره

وفِي مجلسه لادعاكم ما تعديتوا

رجلينكم كنّها لرضاه مبتوره

لكن مع الوقت يفنى ماتقاضيتوا

والاّ بتفنون وكلٍ ينتظر دوره

حنّا بشر والبشر مهما تناسيتوا

نرحل ولا في البشر من دامت دهوره

المال مارجّع الأعمار لا اقفيتوا

والفقر مانقّص الرجّال بشهوره

ربيتوا المال لكن ما تربيتوا

على العطاء جعل يمنى اللاش مكسوره

جيتوا المجالس لكم حاجات واخذيتوا

واللي عطاكم مرض ماقلتوا نزوره

بتجون وان ماتغديتوا تعشيتوا

في مجلسٍ من رجل الانذال محقوره

يااصحابنا لاشبعتوا ثم تقهويتوا

خوذوا الفناجيل مانبغى لها صوره

تُحرَم ما اقهوي بها ياللي ترديتوا

أخاف عدوى الردى والناس مستوره

** **

- فهد الشهراني