على حدب الضلوع اللي وسمها من جفاك الويل

تصدع من غرابيل الزمان ومن غرابيلك

مابين الليل وأهواله آشوفك مثل نجم سهيل

أراجع ماضي الذكرى وبعضٍ من تفاصيلك

تهيم الروح بالوادي ويجرفها غزير السيل

شعور ٍلو تخيلته فتر عن زمته حيلك

يضيق بيَ النَفَس والصدر لين أبادر التهليل

وفكري لو طردته منك يعود لين ياتي لك

وتجري بك عروق الدم ولو يجرون لي تحليل

لقوك بكل ذراتي وقلبي نبضه يشيلك

وأنا والله لولا مانت تستاهل فلا بيميل

شموخ ما جذبه الا غلاك وبعض تدليلك

تداعب خافقي النسمه اذا هبت بتالِ الليل

وشعوري كلما هبت يصيح من القهر ويلك

تعال تشوف ريضانك عقب ماجف منها الغيل

تساقط من غصوني الورد بعد ما فاتني نيلك

** **

- شواهق نجد