الموضوعات الأكثر
«الجزيرة» - عبدالعزيز بن سعود المتعب:
الشعر الشعبي الوطني المشرّف موثق الولاء والوفاء واللحمة الوطنية ووحدة الصف والكلمة، وهو ما تجسده القصيدتان التاليتان في مقام سيدي خادم الحرمين الشريفين الملك سلمان بن عبدالعزيز آل سعود -أطال الله عمره وأدام عزّه-..
للدين حنا والوطن والسلاطين
بأرواحنا نفدا تراب الجزيره
ناقف بوجه اللي معادي معادين
في كل بر وبحر وفي كل ديره
الدين دين الحق بالعسر واللين
ما يختلف يا أهل العقول البصيره
وضح وضوح الشمس ياللي عن الدين
أغواكم اللي تاه من فكر غيره
أفعالكم مخالفة للقوانين
شر على الأمة جهلتو مصيره
حنا على الجبهة لكم بالميادين
وقفاتنا ما بين ذخير وذخيره
أرواحنا وأعمارنا رهن ثنتين
أما الشهاده أو بنصر المغيره
نصرٍ يزلزل ما ورا الهند والصين
ونصرٍ يعز الدار ومن يستجيره
منا الوفاء للي على الطيب ضارين
نسل الإمام اللي إنتعمنا بخيره
منا العطا للي للأمجاد من وين
ما وجهو يسبق خطاهم نذيره
منا الذرا بأرواحنا للميامين
اللي لمن عادا سيوف شطيره
منا الولاء للي مع الشعب وافين
بقيادة اللي كل شعبه نصيره
سلمان راعي الحزم من خلق للحين
سلمان راعي العزم في كل سيره
سلمان لا منه غدا العلم علمين
فعله يداوي كل عينٍ ضريره
أبو فهد حقه على الراس والعين
اللي معه شعبه بروحه خشيره
للدين حنا والوطن والسلاطين
بأرواحنا نفدا تراب الجزيره
** **
- عبدالرحمن بن أحمد الناصر