تهنئة من الأعماق ليومنا الوطني الغالي.. ونبارك لقائد الحزم والعزم سلمان بن عبد العزيز وولي عهده الأمين الأمير محمد بن سلمان والشعب السعودي.. حفظ الله وطننا من كل مكروه وإلى الأمام يا وطني.

ذكرى لابو تركي علينا كبيره

أرسى بلاد الدين واسس بناها

تسعون وواحد عام عز بمسيره

يا ما سعى للأمن وربي حماها

عساه بالفردوس صقر الجزيره

قضى على اهل الظلم حتى محاها

وشوفوا وطنا زاهي بتعميره

ذي ديرة الاسلام وربي وقاها

واليوم ابو فهد عيونه سهيره

هو عزنا هو فخرنا ونتباها

القايد المحبوب عز الشعيره

شعبه معه حضار وحقق مناها

محمد ولي عهده الله يجيره

كل العلوم الطيبه هو حواها

واللي مشى بالشر يلقى مصيره

هذي بلدنا ضايعن من نواها

الله يبلا اللي سلومه شريره

واهل النفوس الخاينه واعناها

حب الوطن معروف مافيه غيره

هذي بلاد الدين ولابه سواها

ومن خان دار العز ضيع مسيره

ونفسن نوت للشر تلقى جزاها

** **

- الشاعر/ محمد بن عبدالعزيز الخنيفر