البطل من شرق حث الركايب

لين نوّخ فالرياض ودعاها

وانتهض للقصر عطب الضرايب

يستعيد امجاد جدٍّ بناها

برْبعين ابطال وقت الحرايب

مع زعيمٍ للمعالي نخاها

ناحرين القصر والحظ طايب

سربةٍ فالقصر حثّة خْطاها

وعْتلى عبدالعزيز الصعايب

وعْلنت له بالولا ومْتطاها

وصوّت منادي بْجيّات غايب

عاد بن فيصل وداره ولاها

وعمّت الفرحه شْعوب وقرايب

وقاد توحيد البلاد وغزاها

بالرجال مورّدة كل هايب

بالسيوف الحدب ساقت عْداها

والعطا جاها من الله وهايب

مع زعيمٍ في يمينه ذراها

قادها للعز والراي صايب

لين فاقت فالدول مستواها

وامطرت بالعز غر السحايب

وارتوت بالخير من فيض ماها

وذعذت بالنصر نود الهبايب

واكْتست بالعز والله حماها

** **

- حشر بن عبدالمحسن بن حميد