استانسوا ترى الليالي زايله

ولا تكدّركم تصاريف الحياه

ما ينفع المهموم همٍ شايله

الرابح اللي يرمي بهمّه وراه

وترى التشكّي بالظروف المايله

تشيّن الرجَّال وتقلّل احلاه

حتى ولو عاين نجوم القايله

يخلّي الشكوى لربه في دعاه

واللي يدوّر للدروب الطايله

فلا يخلّي طاعة الله والصلاه

واللي يفرّط في حقوق العايله

لا يلحق الشرهه لربعه واقصراه

تميّز الرجّال.. من فعايله

وتميّز الداشر اليا شفت اخوياه

ما ندري الأيام وش هي قايله

الله يزيّنها معَ كل اتجاه

** **

- هادي بن زابن