يقول من حده شقا الوقت واضناه

وراحت حياته بين شكٍ وضنا

لاضحك يوم وصفيت اسباب دنياه

جاه العذاب المر منا ومنا

حادت به الخطوه لو الدرب قداه

وما جاد له حظه على ما تمنى

يمشي مع التيار والسيل يغشاه

وعوده ليان ما صمد ويتثنى

في داخله جرحٍ من العام يدراه

وفي داخله رمحٍ بدمه تحنا

ياقو صبر اللي تداعت مناياه

لازبّنت صدره زبون المجنى

مادام حظه ما بلغ كف يمناه

وما دام خله قاسيٍ ويتجنى

ما غير يصفق في يمينه بيسراه

ويرجي شعاع للامل ماتسنى

** **

- شواهق نجد