أرجوك تنسى الذكريات القديمه

تجديدها لا بد يجرح حدينا

ضحك القلوب الطاهرة والسليمه

جرح العيون بصمتنا لا بكينا

خل التفاصيل الحميمة حميمه

كانت مجرد تجربة وانتهينا

ما للعتب من بعد نكران قيمه

ولا ينجبر كاسٍ تكسر بايدينا

خلك مثل ما كنت عندك عزيمه

وقل للذي يذكر هوانا، نسينا

للحب روح وللمحبين شيمه

لازم نشيل جروحنا لا نوينا

غرق هوانا وسط بحر النميمه

بس أشكر الله يوم حنا نجينا

ظلم انفصلنا وإن رجعنا ظليمه

طوّل زعلنا لين فيه ارتضينا

نموت حزن ومستحيل الهزيمه

حنا نكمّل دربنا لا مشينا

** **

- سليمان المانع