إهداء إلى زوجتي وصديقة عمري

ريحي نفسك وكفي مدمعك

ولا تجاري الشك فيني والظنون

إنتِ بس إنتِ ولا شخصٍ معك

وين ما طالع تلاقيك العيون

إنتِ في عيني وقلبي مهجعك

لك عيوني فراش ولحافك جفون

إنتِ الأولى في حياتي موقعك

عنه كل الغيد عجزوا يوصلون

ليتني خاتم سكن في مصبعك

وتسمعي دقات قلبي والشجون

تقول لك إن كل كلي يتبعك

روحي وروحك بشخصٍ يسكنون

شمسي اللي أشرقت من مطلعك

أعلنت ميلاد حبك يا فتون

عهد لك مني يناجي مسمعك

إنك أنتِ بس وغيرك ما يكون

** **

- صالح بن عبدالله القحطاني