تعال ريحني من ايامي السود

ترى الجفى ما به للاحباب راحه

ما عاد بي للصمت عزمٍ ومجهود

الصمت فيني حزن الأيام باحه

ليتك بجنبي طول الأيام موجود

هذا من اللي منك تنزف جراحه

اتخيلك وردٍ ربى في هوى النود

واتخيلك بعيون الأشواق واحه

واتخيلك صرحٍ للأحزان ممدود

حطم براكين الأماني جماحه

ليت الزمان اللي تناساني يعود

ويشوف لي من عذب الأيام ساحه

وتعود لي بهجات الأيام بسعود

وقلبٍ طواه الحزن يطلق سراحه

يا سلوة الخاطر ترى العمر محدود

متى ينول القلب مغزى كفاحه

** **

- الشاعر أحمد حمدان الشمري