هواك سرّاني تحت جنح الظلام

واوقد شموعك يالشموع الطافيه

القاك ما بين التوحّد والزحام

والليل وردون الخيال الضافيه

بيني وبين جروحك العفّه وئام

من الف وصلك لين لام النافيه

صافحتك من الشوق وانفاس الغرام

البعد بارد وانت كفّك دافيه

تمدّها وتعوّد الدنيا غمام

وتردّها وتصير وزن وقافيه

اقف لخيبات المحبين احترام

من الوله لين القلوب الوافيه

حبك هو اكثر شيء من عشرين عام

افرد له بصدري مساحه كافيه

يصدح بها القمري ويدهلها الحمام

وامشي على رمضاك رجلي حافيه

اصغر تفاصيلك يثير الاهتمام

واكبر تفاصيلك يجيب العافيه

بصمت وانا باقي لك بصدري كلام

يمكن ما اقوله في السنين اللافيه

** **

- علي الريض